სუმის ოლქში, რუსების თავდასხმის შედეგად დაღუპულთა რაოდენობა გაიზარდა. იუწყება BBC
სუმის საოლქო სამხედრო ადმინისტრაციის ინფორმაციით, საცხოვრებელი სახლის ნანგრევებიდან 5 და 10 წლის გოგონების ცხედრები ამოიყვანეს.
მანამდე ადგილობრივი ხელისუფლება იუწყებოდა, რომ თავდასხმის შედეგად ხანდაზმული ქალი დაიღუპა.
სუმის საოლქო სამხედრო ადმინისტრაციის ცნობით, ქალაქის სამოქალაქო ინფრასტრუქტურას ექვსი მართვადი საავიაციო ბომბი მოხვდა.
თავდასხმის შედეგად განადგურდა და დაზიანდა საცხოვრებელი სახლები.
რუსებმა იერიში მიიტანეს მიკოლაივის ოლქზეც.
თავდასხმის შედეგად 89 წლის ქალი დაიღუპა, დაშავებულებს შორის ორი ბავშვია
მიკოლაივის საოლქო სამხედრო ადმინისტრაციის ხელმძღვანელის, გეორგი რეშეტილოვი განცხადებით, თავდასხმის შედეგად ორი კერძო საცხოვრებელი სახლი სრულად განადგურდა, კიდევ შვიდი კი დაზიანდა.
დაშავდა კიდევ შვიდი ადამიანი, მათ შორის 2 და 12 წლის გოგონები. ბავშვები საავადმყოფოში გადაიყვანეს, დანარჩენ დაშავებულებს კი სამედიცინო დახმარება ადგილზე გაუწიეს.
