ბელგიაში ძლიერი სიცხის გამო ივნისში, ჩვეულებრივთან შედარებით გარდაცვალების მაღალი მაჩვენებელი დაფიქსირდა.
ამის შესახებ The Guardian საზოგადოებრივი ჯანდაცვის ინსტიტუტზე დაყრდნობით იუწყება.
ინსტიტუტის ინფორმაციით, ეს არის ჭარბი სიკვდილიანობის ყველაზე მაღალი მაჩვენებელი მას შემდეგ, რაც 2000 წელს მსგავსი სტატისტიკის წარმოება დაიწყო.
აღნიშნულია, რომ ბელგიაში 18 ივნისიდან 1 ივლისამდე პერიოდში დაფიქსირდა ჭარბი სიკვდილიანობის 1 747 შემთხვევა, რაც აღემატება გასულ კვირას გამოქვეყნებულ შეფასებას - 18-დან 29 ივნისამდე პერიოდში 1 222 შემთხვევას.
ინსტიტუტის მონაცემებით, ეს ნიშნავს ჭარბი სიკვდილიანობის 47%-იან ზრდას.
მიუხედავად იმისა, რომ ბელგიაში ივნისის ტემპერატურული რეკორდები ოფიციალურად არ დამყარებულა, ბრიუსელში რამდენიმე დღის განმავლობაში ტემპერატურა ზედიზედ 35°C-მდე იზრდებოდა, ხოლო ცალკეულ რაიონებში სიცხე 38–40°C-ს აღწევდა.
