მედიის ცნობით, საფრანგეთმა და გერმანიამ მოამზადეს ანალიტიკური დოკუმენტი, რომელიც მოლდოვასა და დასავლეთ ბალკანეთის კანდიდატ ქვეყნებს ევროკავშირში გაწევრიანების პროცესში უფრო მოქნილ და ეტაპობრივ ინტეგრაციას სთავაზობს.

დოკუმენტის მიხედვით, გაწევრიანების პროცესი  უნდა გახდეს უფრო პროცესზე დაფუძნებული და შემცირდეს ბიუროკრატიული ბარიერები, რათა კანდიდატები ევროკავშირის საქმიანობაში ეტაპობრივად ჩაერთონ.

ინიციატივა გულისხმობს, რომ ქვეყნები შეძლებენ უფრო ღრმა ინტეგრაციას ევროკავშირის ერთიან ინსტიტუტებში, საბოლოო წევრობამდე.

მთავარი წინადადებები მოიცავს:

ევროკომისიისა და ევროპარლამენტის ერთობლივ შეხვედრებს დასავლეთ ბალკანეთისა და მოლდოვის წარმომადგენლებთან წელიწადში ორჯერ;

ევროკავშირის საბჭოსა და ევროპული საბჭოს სხდომებში დამკვირვებლის სტატუსით მონაწილეობას;

უსაფრთხოებისა და თავდაცვის სფეროში გაძლიერებულ თანამშრომლობას, მათ შორის Frontex-თან და კიბერუსაფრთხოების სააგენტოებთან;

ევროკავშირის პროგრამებსა და ინიციატივებში მონაწილეობას;

ერთიან ბაზართან ეტაპობრივ ინტეგრაციას ენერგეტიკის, ტრანსპორტის, ციფრული ბაზრის, ვაჭრობისა და სხვა სფეროებში;

სავაჭრო ბარიერების შემცირებას და გარკვეულ რეგულაციებზე ადრეულ წვდომას.

დოკუმენტის ავტორები ხაზს უსვამენ, რომ ეს მიდგომა არ ცვლის ევროკავშირის სრულ წევრობას, არამედ მიზნად ისახავს პროცესის დაჩქარებას და რეფორმების წახალისებას დამატებითი სარგებლის შეთავაზებით.