მედიის ცნობით, გერმანიის დედაქალაქ ბერლინში ტრამვაი ლიანდაგიდან გადავიდა. სახანძრო-სამაშველო სამსახურის ინფორმაციით, დაშავდა 20 ადამიანი, მათგან 3 მძიმედ. დაშავებულები საავადმყოფოებში გადაიყვანეს. მსუბუქად დაშავებული 17 მგზავრიდან ნაწილს კლინიკებში დამატებითი მკურნალობა უტარდება.
მაშველების ცნობით, ინციდენტი ბერლინის ლიხტენბერგის რაიონში მოხდა. წინასწარი ინფორმაციით, ტრამვაის მოსახვევში, სავარაუდოდ, საკონტაქტო ქსელის ბოძს შეეჯახა. შეჯახების შედეგად ტრამვაი ლიანდაგიდან გადავიდა.
შემთხვევის მიზეზების დასადგენად გამოძიება მიმდინარეობს.
სახანძრო-სამაშველო სამსახურის ინფორმაციით, შემთხვევის ადგილზე დაახლოებით 60 მაშველი მუშაობდა.
