არანაირი პოლარიზაცია ამ ქვეყანაში არ არსებობს, არსებობს ერთი მუჭა ადამიანები ივანიშვილის გარშემო, რომლებსაც ძალაუფლება აქვთ ხელში ჩაგდებული და რომლებიც ჭამენ ამ ქვეყანას, - ამის შესახებ კოალიცია "ცვლილებისთვის" ერთ-ერთმა ლიდერმა ზურაბ ჯაფარიძემ განაცხადა
ჯაფარიძე მიიჩნევს, რომ შექმნილი ვითარებიდან გამოსავალი მხოლოდ თავისუფალი არჩევნებია, რომელიც საზოგადოებრივ დაძაბულობას განმუხტავს.
"არანაირი პოლარიზაცია ამ ქვეყანაში არ არსებობს. არსებობს ერთი მუჭა ადამიანები ივანიშვილის გარშემო, რომლებსაც ძალაუფლება აქვთ ხელში ჩაგდებული და რომლებიც ჭამენ ამ ქვეყანას, იშოვეს ათობით და ასობით მილიონები, ცხოვრობენ რაღაც გალავნების უკან და დადიან 200, 300 და 400 ათას დოლარიანი მანქანებით. და არსებობს მთელი დანარჩენი ამ ქვეყნის მოქალაქეები, რომლებიც არიან მათ წინააღმდეგ, ოღონდ მათი ნაწილი არის შეშინებული და ან შიშის გამო ან სხვა რამის გამო ან ჩუმად არიან, ან ... სიტუაციას დაამშვიდებს მარტო თავისუფალი არჩევნები", - განაცხადა ზურაბ ჯაფარიძემ.
