აშშ-ის პრეზიდენტმა დონალდ ტრამპმა ირანზე საუბრისას კვლავ გაიმეორა, რომ თეირანს ბირთვული იარაღის ფლობის უფლებას არ მისცემენ.
„ისინი შეთანხმების დადებას ითხოვენ, თუმცა შესაძლოა მათ კიდევ ერთი ძლიერი დარტყმა მივაყენოთ. ჯერ დარწმუნებული არ ვარ, ამას ძალიან მალე გავიგებთ,“ - განაცხადა ტრამპმა.
ტრამპმა ასევე დემოკრატები დაადანაშაულა, რომ მისი თქმით, ისინი ხელს უშლიან ირანთან მიმდინარე მოლაპარაკებებს.
შეკითხვაზე, რამდენად ახლოს იყო გუშინ ირანზე დარტყმის განხორციელებასთან, მან უპასუხა: „დარტყმამდე ერთი საათი იყო დარჩენილი, როდესაც გადაწყვეტილება შევცვალე. ახლა ეს უკვე დაწყებული იქნებოდა.“
ტრამპის თქმით, ის ირანთან მოლაპარაკებების დროს სპარსეთის ყურის ქვეყნებთან თანამშრომლობს.
