ათენში 89 წლის კაცმა ცეცხლი გახსნა, რის შედეგადაც, ხუთი ადამიანი დაშავდა. ინფორმაციას ბერძნული მედია ავრცელებს.
მედიის ცნობით, რამდენიმე წუთის ინტერვალით, 89 წლის კაცმა ჯერ ცეცხლი გახსნა კერამეიკოსში მდებარე სოციალური დაზღვევის ორგანიზაციის ოფისში, შემდეგ კი - ლუკარესის ქუჩაზე მდებარე სასამართლოთან. ორივე თავდასხმის შედეგად 5 ადამიანი დაშავდა.
კაცმა შემთხვევის ადგილზე იარაღი და წერილები დატოვა. წერილები მედიისთვის იყო განკუთვნილი და მათში თავდასხმის მიზეზებია ახსნილი.
კაცმა ამის შემდეგ ტერიტორია დატოვა. მას პოლიცია ამ დრომდე ეძებს.
დაშავებულები საავადმყოფოში გადაიყვანეს. მათ სიცოცხლეს საფრთხე არ ემუქრება.
