აშშ-ის პრეზიდენტმა დონალდ ტრამპმა განაცხადა, რომ მიიღო სატელეფონო ზარი ირანის წარმომადგენლებისგან, რომლებმაც, მისი თქმით, შეთანხმების დადების სურვილი გამოთქვეს. ამის შესახებ Sky News იუწყება.
ჟურნალისტებმა ტრამპს ჰკითხეს ირანთან მოლაპარაკებების შესახებ, რომლებიც გასულ კვირის ბოლოს გაიმართა.
მან აღნიშნა, რომ ვიცე-პრეზიდენტმა ჯეი დი ვენსმა „კარგი სამუშაო“ შეასრულა სპეციალურ წარმომადგენლებთან სტივ უიტკოფთან და ჯარედ კუშნერთან ერთად.
„შემიძლია გითხრათ, რომ მეორე მხარემ დაგვირეკა, მათ ძალიან, ძალიან სურთ შეთანხმების მიღწევა,“ - აღნიშნა აშშ-ის პრეზიდენტმა.
კითხვაზე, რა არის მოლაპარაკებებში მთავარი სადავო საკითხი, ტრამპმა უპასუხა: „ეს ეხება ბირთვულ პროგრამას.“
„ირანს ბირთვული იარაღი არ ექნება. ჩვენ ბევრ რამეზე დავთანხმდით, მაგრამ ისინი ამაზე არ დათანხმდნენ. თუმცა ვფიქრობ, რომ საბოლოოდ დათანხმდებიან“, - განაცხადა ტრამპმა.
