სერბეთის პრეზიდენტმა ალექსანდარ ვუჩიჩმა უნგრეთის პრემიერ-მინისტრ ვიქტორ ორბანს საპარლამენტო არჩევნების წინ მხარდაჭერა გამოუცხადა. ამის შესახებ მან Instagram-ზე დაწერა.
ვუჩიჩმა განაცხადა, რომ როგორი შედეგიც არ უნდა ჰქონდეს უნგრეთის არჩევნებს, ის ორბანს მხარს უჭერს და მადლობას უხდის „ყველაფრისთვის“.
„არ ვიცი, მოიგებს თუ წააგებს ვიქტორ ორბანი. მხოლოდ ის ვიცი, რომ უსაზღვროდ მადლობელი ვარ სერბებსა და უნგრელებს შორის მისი მეგობრობისთვის. მის გარეშე ეს მეგობრობა არ იარსებებდა. და დიახ, როგორი შედეგიც არ უნდა იყოს, ვიქტორ, ყველაფრისთვის მადლობა და მხარდაჭერა არჩევნებში. ჩვენ, სერბები, სხვანაირები ვართ, რადგან მაშინაც კი, თუ წააგებ, ჩვენ სამუდამოდ მადლობლები ვიქნებით“, – განაცხადა სერბეთის პრეზიდენტმა.
როგორც ცნობილია, 12 აპრილის დილით უნგრეთში საპარლამენტო არჩევნები იმართება.
