ირანის ახალი უზენაეს ლიდერს მოჯთაბა ხამენეის სახესა და ფეხზე მძიმე დაზიანებები აქვს და მკურნალობას განაგრძობს. ამის შესახებ Reuters-ს ირანის უზენაესი ლიდერის გარემოცვასთან დაახლოებულმა წყაროებმა განუცხადეს.
მათი თქმით, თეირანის ცენტრალურ ნაწილში, უზენაესი ლიდერის კომპლექსზე განხორციელებული შეტევისას ხამენეის სახე დაუსახიჩრდა და სერიოზული დაზიანება მიიღო ერთ ან ორივე ფეხზე.
წყაროების მტკიცებით, 56 წლის უზენაესი ლიდერი საღ გონებაზეა და მძიმე დაზიანებების მიუხედავად, მონაწილეობს მაღალი რანგის ოფიციალურ პირებთან შეხვედრებში აუდიოკონფერენციის საშუალებით და ჩართულია მნიშვნელოვანი საკითხების გადაწყვეტაში, მათ შორის ომისა და ვაშინგტონთან მოლაპარაკებების პროცესში.
