უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინამ ბოლო დღეებში მიიღო Patriot-ის საჰაერო თავდაცვის სისტემებისთვის განკუთვნილი რაკეტების ახალი პარტია.
„ამჟამად პარტნიორები Patriot-ის რაკეტებს გვაწვდიან. კერძოდ, ამ დღეებში ახალი პარტია ჩამოვიდა. და ჩვენ ვაგრძელებთ ყველა პარტნიორთან მუშაობას, რათა საჰაერო თავდაცვა გვქონდეს,“ - განაცხადა ზელენსკიმ.
უკრაინული მედია აღნიშნავს, რომ რამდენიმე დღის წინ პრეზიდენტმა გამოთქვა შეშფოთება, რომ ახლო აღმოსავლეთში ხანგრძლივმა ომმა, შესაძლოა, კიდევ უფრო შეასუსტოს უკრაინის მხარდაჭერა აშშ-ის მხრიდან, ვაშინგტონის გლობალური პრიორიტეტების ცვლილების ფონზე.
