აშშ-ის პრეზიდენტმა დონალდ ტრამპმა განაცხადა, რომ ირანთან ომი ფაქტობრივად დასრულებულია.
„ვფიქრობ, ომი ფაქტობრივად დასრულებულა“, - განაცხადა აშშ-ის პრეზიდენტმა CBS News-თან ინტერვიუში.
ტრამპის თქმით, „მათ [ირანს] არ ჰყავთ საზღვაო ფლოტი, კომუნიკაციები და საჰაერო ძალები“.
„მათი რაკეტები ნაწილებად არის დაშლილი. მათი დრონები ყველგან ნადგურდება, მათ შორის დრონების ინდუსტრია. თუ დააკვირდებით, მათ არაფერი დარჩათ. სამხედრო თვალსაზრისით, მათ არაფერი დარჩათ“, - დასძინა აშშ-ის პრეზიდენტმა.
CBS-მა ამერიკის ლიდერს, ასევე ჰკითხა ჰქონდა თუ არა მას გზავნილი ირანის ახალი უზენაესი ლიდერის, მოჯთაბა ხამენეისთვის, რაზეც პრეზიდენტმა უპასუხა: „მე მისთვის არანაირი გზავნილი არ მაქვს. არანაირი“.
როგორც აშშ-ის პრეზიდენტმა აღნიშნა, მას მხედველობაში ჰყავს ვიღაც, ვინც ხამენეის შეცვლის, თუმცა დეტალები არ დაუზუსტებია.
ამასთან, აშშ-ის პრეზიდენტმა განაცხადა, რომ აშშ–ს ბევრი რამის გაკეთება შეუძლია ჰორმუზის სრუტესთან დაკავშირებით.
,,ირანმა ყველაფერი ესროლა, რაც კი შეიძლება და ჯობს არაფერი სცადონ, თორემ ეს ამ ქვეყნის დასასრული იქნება. თუ რამე ცუდს გააკეთებენ, ეს ირანის დასასრული იქნება“, – განაცხადა ტრამპმა.
