აშშ-ის ომის მდივანმა პიტ ჰეგსეთმა მედიაში გავრცელებული ინფორმაციის ფონზე, რომ რუსეთი ირანს აწვდის სადაზვერვო ინფორმაციას ახლო აღმოსავლეთში აშშ-ის ძალების დასაბომბად, განაცხადა, რომ პრეზიდენტი დონალდ ტრამპი რუსეთსა და ირანს შორის კონტაქტების შესახებ სრულად არის ინფორმირებული. ამის შესახებ მან CBS News-თან ინტერვიუში განაცხადა.
„ამერიკელ ხალხს შეუძლია დარწმუნებული იყოს, რომ მათმა მთავარსარდალმა (დონალდ ტრამპმა) ზუსტად იცის, ვინ ვის ელაპარაკება. ყველაფერი, რაც არ უნდა მოხდეს, საჯაროდ თუ არაფორმალური არხებით, ენერგიულ საწინააღმდეგო ქმედებას იწვევს. ჩვენ ყველაფერს ვაკვირდებით და ჩვენს საბრძოლო გეგმებში ვითვალისწინებთ. სხვა ბიჭებს საფრთხეში ვაგდებთ და ეს ჩვენი საქმეა. ასე რომ, ჩვენ ამაზე არ ვნერვიულობთ. ერთადერთი, ვინც უნდა ნერვიულობდეს, ახლა მხოლოდ ირანის რეჟიმია, არიან, რომელსაც ჰგონია, რომ გადარჩება,“ - განაცხადა ჰეგსეთმა.
ჰეგსეთის თქმით, პრეზიდენტ ტრამპს „უნიკალური ურთიერთობები“ აქვს მსოფლიოს მრავალ ლიდერთან, რაც მას აძლევს შესაძლებლობას, მიაღწიოს ისეთ შედეგებს, რაც სხვა პოლიტიკოსებს არ შეუძლიათ.
ჰეგსეთმა აღნიშნა, რომ შეტყობინებების რუსებისთვის მიწოდება შესაძლებელია როგორც უშუალოდ, ასევე შუამავლების მეშვეობით.
ამასთან, თეთრი სახლის პრესმდივანმა ქეროლაინ ლევიტმა Fox News-ს განუცხადა: „გულწრფელად რომ ვთქვათ, ამას დიდი მნიშვნელობა არ აქვს, რადგან პრეზიდენტი ტრამპი და ამერიკელი სამხედროები მთლიანად ანადგურებენ ირანის კრიმინალურ ტერორისტულ რეჟიმს“.
შეგახსენებთ, The Washington Post-მა გაავრცელა ინფორმაცია, რომ რუსეთი ირანს ახლო აღმოსავლეთში ამერიკული სამხედრო გემებისა და თვითმფრინავების ადგილმდებარეობის შესახებ სადაზვერვო მონაცემებს აწვდის.
