„ჩვენ მზად ვართ რუსეთთან მოლაპარაკებისთვის, მაგრამ რუსეთმა თავისი ამაზრზენი სახე აჩვენა და ყველამ, ვინც ფიქრობს, რომ მეორე მხარეს არის პატიოსანი პარტნიორი, რომელიც ნამდვილად აფასებს მშვიდობას, ურთიერთგაგებას და ადამიანობას ამ სამყაროში, უნდა იცოდეს ეს. არა, ასეთი პარტნიორი არ არსებობს,“ - ამის შესახებ გერმანიის საგარეო საქმეთა მინისტრმა იოჰან ვადეფულმა განაცხადა მიუნხენის უსაფრთხოების კონფერენციის ფარგლებში, მას შემდეგ, რაც ხუთმა ქვეყანამ გაავრცელა ერთობლივი განცხადება, რომ რუსეთის ოპოზიციის ლიდერი ალექსეი ნავალნი, გარდაცვალებამდე ციხეში ეპიბატიდინით მოწამლეს.
„ეპიბატიდინის ეფექტი ორასჯერ უფრო ძლიერია, ვიდრე მორფინის. ის იწვევს სასუნთქი კუნთების პარალიზებას, რაც მსხვერპლო მტკივნეულ დახრჩობას განიცდის.პუტინის გარემოცვის გარდა ვერავინ იტყვის, თუ ზუსტად როგორ განვითარდა 2024 წლის 16 თებერვალი (ალექსეი ნავალნის გარდაცვალების დღე) რუსეთის სასჯელაღსრულების კოლონიაში. მაგრამ ერთი რამ ცხადია: რუსეთის ხელისუფლებას ჰქონდა შესაძლებლობა, მოტივი და საშუალებები ნავალნის მოსაწამლად“, - განაცხადა ვადეფულმა.
