კვერცხზე ფასის 2 თეთრით დაწევა გარღვევას არ ნიშნავს - ეს ის მაჩვენებელი არ არის, რომელიც მოსახლეობას იმის თქმის საშუალებას მისცემს, რომ კვერცხზე ფასი დაიწია, - ამის შესახებ კვერცხის მწარმოებელი კომპანია „დილას“ დირექტორმა გია ლობჟანიძე პარლამენტის დროებითი კომისიის სხდომაზე განაცხადა.

„რა თქმა უნდა, პრობლემები, რაც გვესმის, რეალურად არსებობს. ამ კამპანიის დაწყების დღიდან ჩვენი დარგი ყოველთვის იმაზე ფიქრობდა, რა საქმიანი წინადადებები მოემზადებინა და წამოეყენებინა იმისთვის, რომ გარღვევა ყოფილიყო. კვერცხზე ფასის 2 თეთრით დაწევა გარღვევას არ ნიშნავს. ეს ნიშნავს უბრალოდ ფასის დაწევას. ეს ის მაჩვენებელი არ არის, რომელიც მოსახლეობას იმის თქმის საშუალებას მისცემს, რომ კვერცხზე ფასი დაიწია.

იმ მწირე შესაძლებლობებიდან გამომდინარე, რაც ჩვენს კომპანიას და ალბათ, დარგს აქვს, შემიძლია ვთქვა შემდეგი: - პირველ რიგში, სამართლიანობის აღდგენა იქნება დღგ-ს საკითხი კვერცხთან და ქათამთან დაკავშირებით. ისტორიული უსამართლობაა - 13 წელია დირექტორი ვარ და შესაბამისად, ამ საკითხს 13 წელია ვაყენებ, რაზეც საკმაოდ არაერთგვაროვანი პასუხები მიგვიღია. მათ შორის აღმასრულებელი ხელისუფლებიდან იყო საუბარი, რომ აწარმოეთ ბატის კვერცხი და დღგ-დან გაგათავისუფლებთ, ხოლო ქათმის კვერცხს დღგ-დან არ გავათავისუფლებთ, რადგან დღგ შემოდის და ეს სახელმწიფოს სჭირდება.

მისი თქმით, კომპანია „დილა“ 20 წელია ბაზარზე ოპერირებს და გაყიდვების 90% მსხვილ ქსელებზე მოდის, საკოლმეურნეო ბაზარს კი 5-7% მოდის.

„ამ საკითხის დღის წესრიგში დაყენებიდან კვერცხის მწარმოებელი კომპანიები მუდმივად ვფიქრობდით, რა საქმიანი წინადადებები მოემზადებინა, რომ ყოფილიყო გარღვევა. ჩემი აზრით, კვერცხზე 2 თეთრით ფასის დაწევა არ არის გარღვევა. იმ მწირი შესაძლებლობებიდან გამომდინარე, რაც ჩვენს კომპანიას და დარგს აქვს, შემიძლია ვთქვა, რომ პირველ რიგში ყველაზე დიდი რესურსი ეს იქნება კვერცხის და ქათმის შემთხვევაში, სამართლიანობის აღდგენა დღგ-ს ნაწილში - ეს ისტორიული უსამართლობაა. ეს საკითხი არაერთხელ დაგვიყენებია და საკმაოდ არაერთგვაროვანი პასუხები მიგვიღია, მათ შორის აღმასრულებელი ხელისუფლებიდან, რომ ვაწარმოოთ ბატის კვერცხი და გაგვათავისუფლებენ დღგ-სგან. მაგრამ ქათმის კვერცხს არ გაათავისუფლებენ დღგ-სგან. ეს ერთ-ერთი ნაბიჯია, რომლითაც შეიძლება გარღვევა მოხდეს“, - განაცხადა გია ლობჟანიძემ.

მისი პოზიციის კომენტირებისას შოთა ბერეკაშვილმა განაცხადა, რომ პროდუქტზე საბაჟოდან დახლამდე 86%-იან ფასნამატში, დღგ დათვლილი არ არის.