გერმანიის საგარეო საქმეთა სამინისტრომ ირანის ელჩი დაიბარა ქვეყნის მიერ მომიტინგეების წინააღმდეგ განხორციელებული ქმედებების საპასუხოდ. ამის შესახებ Spiegel იუწყება.
ეს ნაბიჯი მას შემდეგ გაკეთდა, რაც ირანის საგარეო საქმეთა სამინისტრომ გერმანიის, საფრანგეთის, იტალიისა და დიდი ბრიტანეთის წარმომადგენლები დაიბარა და ამის მიზეზად ამ ქვეყნების მთავრობების მიერ ირანელი მომიტინგეების მიმართ გამოთქმული საზოგადოებრივი მხარდაჭერა დაახელა.
გერმანიის საგარეო უწყებამ ირანს მოუწოდა შეწყვიტოს ძალადობა.
„მოვუწოდებთ ირანს, შეწყვიტოს ძალადობა თავისი მოქალაქეების მიმართ და პატივი სცეს მათ უფლებებს“, - განაცხადეს გერმანიის საგარეო საქმეთა სამინისტროში.
