მთავარი სადაზვერვო სამმართველოს უფროსმა, კირილო ბუდანოვმა, განაცხადა, რომ მიიღო ვოლოდიმირ ზელენსკის წინადადება პრეზიდენტის ადმინისტრაციის ხელმძღვანელის პოზიციის დაკავების შესახებ, რასაც პატივად მიიჩნევს.
„მე მივიღე უკრაინის პრეზიდენტის, ვოლოდიმირ ზელენსკის, წინადადება ვუხელმძღვანლო სახელმწიფოს მეთაურის ადმინისტრაციას. ვაგრძელებ უკრაინის სამსახურს. პრეზიდენტის ადმინისტრაციის ხელმძღვანელის თანამდებობას ქვეყნის წინაშე კიდევ ერთ პასუხისმგებლობად მივიჩნევ. უკრაინისთვის ამ ისტორიულ დროს ჩემთვის დიდი პატივი და პასუხისმგებლობაა, ჩვენი სახელმწიფოსთვის სტრატეგიული უსაფრთხოების კრიტიკულ საკითხებზე ვკონცენტრირდე. მადლობას გიხდით ნდობისთვის!” - წერს ბუდანოვი.
ბუდანოვმა მადლობა გადაუხადა თანამებრძოლებს და უკრაინის დაზვერვის მტავარი სამმართველოს გუნდს ერთობლივი მუშაობისთვის.
„ჩვენ უნდა გავაგრძელოთ ჩვენი საქმის კეთება - დავამარცხოთ მტერი, დავიცვათ უკრაინა და ვიმუშაოთ სამართლიანი მშვიდობის მისაღწევად. ერთად გავაგრძელოთ ბრძოლა უკრაინის თავისუფალი და უსაფრთხო მომავლისთვის! ჩვენ მტკიცედ ვიდგებით!“ - წერს ბუდანოვი.
შეგახსენებთ, დღეს ცნობილი გახდა, რომ ვოლოდიმირ ზელენსკიმ პრეზიდენტის ადმინისტრაციის ხელმძღვანელად კირილო ბუდანოვი დანიშნა.
