უკრაინის მიერ სამშვიდობო მოლაპარაკებების ჩაშლის შესახებ უკრაინასა და შეერთებულ შტატებს შორის მიმდინარე კომუნიკაციის წარმატებაზე მეტყველებს. უკრაინული მედიის ცნობით, აღნიშნული განცხადება ზელენსკიმ ლატვიის პრეზიდენტ ედგარს რინკევიჩთან სატელეფონო საუბრისას გააკეთა.
გავრცელებული ინფორმაციით, ვოლოდიმირ ზელენსკიმ ედგარს რინკევიჩს აშშ-ის პრეზიდენტ დონალდ ტრამპთან შეხვედრისა და ამერიკის მომლაპარაკებელთა გუნდთან მუშაობის შესახებ ინფორმაცია მიაწოდა.
„ჩვენ ძალიან კარგი სამუშაო შევასრულეთ და ის ფაქტი, რომ რუსები ახლა ცდილობენ პროგრესის ჩაშლას მორიგი ყალბი ამბებით, მხოლოდ ადასტურებს ამერიკულ მხარესთან ჩვენი შეხვედრებისა და კომუნიკაციის ხარისხს“, - აღნიშნა ზელენსკიმ.
შეგახსენებთ, რომ რუსეთის საგარეო საქმეთა მინისტრმა სერგეი ლავროვმა განაცხადა, რომ უკრაინამ, თითქოს, რუსეთის ლიდერის, ვლადიმირ პუტინის რეზიდენციაზე თავდასხმა სცადა, რაც მოლაპარაკებასთან დაკავშირებით რუსეთის პოზიციის გადახედვას გამოიწვევს.
