პოლონეთის პრემიერ-მინისტრმა დონალდ ტუსკმა განაცხადა, რომ ყველა ქვეყანა თანხმდება უკრაინის მხარდასაჭერად რუსეთის სახსრების გამოყენებას. მისი თქმით, ამჟამად მუშაობა ტექნიკურ საკითხებზე მიმდინარეობს. ამის შესახებ გამოცემა „უკრინფორმი“ იუწყება.
„ჩვენ ნამდვილად მივაღწიეთ გარდამტეხ მომენტს. გარდამტეხი მომენტი კი ნიშნავს, რომ ყველა თანხმდება, რომ ღირს ცდა და რომ ევროპისთვის სამართლიანი, გამართლებული და კარგი იქნებოდა რუსული სახსრების უკრაინისთვის გამოყენება. თუმცა, ზოგიერთი ქვეყანა მთელი ძალებით იბრძოლებს გარანტიების მაქსიმალურად გაზრდისთვის“, - განაცხადა ტუსკმა ბრიუსელში.
მან ასევე ხაზი გაუსვა, რომ ევროპელ ლიდერებს შორის მოლაპარაკებები კვლავ გრძელდება.
მან ასევე დასძინა, რომ ყველაფერი მიდის უკრაინისთვის რეპარაციული სესხის უზრუნველყოფის მიმართულებით, რომელიც დაფუძნებულია რუსულ გაყინულ აქტივებზე.
