უკრაინის პრეზიდენტმა, ვოლოდიმირ ზელენსკიმ, განაცხადა, რომ უკრაინა და ევროპა საერთო პოზიციაზე მუშაობენ, რომელსაც სხვადასხვა ფორმატში გამოიყენებენ შეერთებულ შტატებთან Tomahawk-ის ტიპის ფრთოსანი რაკეტების პოტენციურ მიწოდებასთან დაკავშირებით.
ზელენსკიმ განაცხადა, რომ აშშ-ის პრეზიდენტი დონალდ ტრამპი უკრაინას Tomahawk-ის ტიპის რაკეტებს არ გადასცემს, რადგან კრემლის ლიდერ ვლადიმoრ პუტინთან შეხვედრამდე რუსეთთან დაძაბულობის ესკალაცია არ სურს.
ზელენსკის თქმით, შორი რადიუსის რაკეტების საკითხმა პუტინს ტრამპთან დარეკვა აიძულა.
მან აღნიშნა, რომ უკრაინა ამჟამად მუდმივ კონტაქტზეა ევროპელ ლიდერებთან, რომლებსაც სურთ ტრამპს Tomahawk-ის რაკეტებთან დაკავშირებით მიმართონ, რადგან ისინი ევროპულ ქვეყნებსაც აქვთ.
„უპირველესად, მინდა ვთქვა, რომ ევროპულ ქვეყნებსაც Tomahawk-ი. საკითხი მხოლოდ Tomahawk-ს არ ეხება.
„საკითხი იარაღის გამოყენებაა. შეიძლება გქონდეს ATACMS, მაგრამ როგორ შეგიძლია მისი გამოყენება? საქმე მხოლოდ იმაში არ არის, თუ რა სახის იარაღი გაქვს, არამედ იმაშიც, თუ როგორ შეგიძლია მისი გამოყენება“, - თქვა ზელენსკიმ.
უკრაინის ლიდერმა აღნიშნა, რომ ეს რაკეტები სამხედრო მიზნებისთვის და პარტნიორებთან კოორდინაციით იქნება გამოყენებული.
„პრეზიდენტ ტრამპთან შეხვედრისთანავე ვესაუბრეთ ევროპელ ლიდერებს. მათ თავად სურთ მოთხოვნის წარდგენა“, - ხაზგასმით აღნიშნა მან.
ზელენსკიმ ასევე აღნიშნა, რომ უკრაინა მუდმივ კონტაქტზეა ევროპული ქვეყნების ეროვნული უსაფრთხოების მრჩევლებთან და მათთან საერთო პოზიციას ავითარებს. მან დასძინა, რომ ისინი ამ საკითხთან დაკავშირებით სხვადასხვა ფორმატში გააგრძელებენ შეერთებული შტატებისთვის მიმართვას.
