ინდონეზიის ქალაქ სიდოარჯოში პანსიონის ჩამონგრევის შედეგად დაღუპულთა რაოდენობა 37-მდე გაიზარდა, კიდევ 26 ადამიანის სამძებრო სამუშაოები გრძელდება.
ისლამური პანსიონის მრავალსართულიანი შენობა ორშაბათს, შუადღის ლოცვისთვის შეკრების დროს ჩამოინგრა.
მანამდე ვრცელდებოდა ინფორმაცია 14 დაღუპულის შესახებ.
ადგილობრივი სამაშველო სამსახურის წარმომადგენლის თქმით, ნანგრევებში მოყოლილთაგან 104 ადამიანი გადაარჩინეს, 37 დაღუპულია, კიდევ 26-ს ამ დრომდე ეძებენ.
