აშშ-ის პრეზიდენტმა დონალდ ტრამპმა განაცხადა, რომ რუსეთის მიერ უკრაინის წინააღმდეგ ომის მოგვარებაში ჯერჯერობით ყველაზე დიდი პროგრესი ის არის, რომ რუსეთის ეკონომიკა სავალალო მდგომარეობაშია, მაშინ როცა უკრაინელები ძალიან კარგად ახერხებენ რუსეთის დიდი არმიის შეჩერებას.
მან ეს განცხადება ნიუ იორკში, გაერო-ს გენერალური ასამბლეის მე-80 სესიის ფარგლებში, უკრაინის პრეზიდენტ ვოლოდიმირ ზელენსკისთან შეხვედრაზე მედიის კითხვებზე პასუხის გაცემისას გააკეთა.
ჟურნალისტმა ტრამპს ჰკითხა, რა პროგრესი იქნა მიღწეული ომის დასრულების კუთხით პრეზიდენტ ზელენსკისთან მისი ბოლო შეხვედრის შემდეგ.
„ყველაზე დიდი პროგრესი ის არის, რომ რუსეთის ეკონომიკა ამჟამად სავალალო მდგომარეობაშია. როგორც იცით, ის ინგრევა.
და გულწრფელად რომ ვთქვათ, უკრაინა ძალიან კარგად ახერხებს რუსეთის დიდი არმიის შეჩერებას. ეს საკმაოდ საოცარია“, - თქვა ტრამპმა.
