გერმანიის მხრიდან პალესტინის სახელმწიფოს აღიარება, სავარაუდოდ, პროცესის დასასრულს მოხდება, მაგრამ ეს პროცესი ახლავე უნდა დაიწყოს. ამის შესახებ იოჰან ვადეფულმა ნიუ იორკში, გაერო-ს გენერალურ ასამბლეაზე გამგზავრებამდე განაცხადა.
ამავდროულად, მან აღნიშნა, რომ ასეთი მოლაპარაკებები „ახლავე უნდა დაიწყოს“, რათა ისრაელელებსა და პალესტინელებს მიეცეთ შესაძლებლობა „იცხოვრონ მშვიდობით, უსაფრთხოებითა და ღირსებით“.
დიპლომატმა განაცხადა, რომ „2023 წლის 7 ოქტომბერს ჰამასის ტერორისტული თავდასხმიდან ორი წლის შემდეგაც კი, კონფლიქტიდან გამოსავლის გზა ჯერ კიდევ არ ჩანს“.
მან ხაზი გაუსვა ცეცხლის დაუყოვნებლივი შეწყვეტის, ღაზის სექტორის მაცხოვრებლებისთვის ჰუმანიტარული დახმარების გაზრდისა და მძევლების უპირობო გათავისუფლების აუცილებლობას.
მინისტრმა კვლავ უწოდა ისრაელის ოპეარციას ქალაქ ღაზაში „სრულიად არასწორი გზა“.
„ოკუპირებული ტერიტორიების ანექსიისკენ საერთაშორისო სამართლის დარღვევით გადადგმული ნებისმიერი ნაბიჯი ასევე ძირს უთხრის კონფლიქტის მდგრადი გადაწყვეტის შანსს. რამდენადაც ამ ეტაპზე შეიძლება ჩანდეს, მოლაპარაკებების გზით ორი სახელმწიფოს შექმნა არის გზა იმისთვის, რომ ისრაელელებმა და პალესტინელებმა შეძლონ მშვიდობიანად, უსაფრთხოდ და ღირსეულად ცხოვრება“, - აღნიშნა ვადეფულმა.
