გარემოს დაცვისა და სოფლის მეურნეობის სამინისტროს შპს „საქართველოს მელიორაცია“ სარწყავ და სადრენაჟე სისტემებს რწყვის სეზონის პარალელურად აწესრიგებს.
ექსპლუატაციის ღონისძიებების ფარგლებში, გორის მუნიციპალიტეტის სოფელ სვენეთის ტერიტორიაზე, სადრენაჟე არხზე სამუშაოები მიმდინარეობს, რომელიც ხე-ბუჩქნარისა და ნატანი მასისგან 2,5 კილომეტრი სიგრძის არხის წმენდას ითვალისწინებს.
ჩატარებული სამუშაოები არხებში წყლის შეუფერხებლად გადინებას შეუწყობს ხელს. შედეგად, 100 ჰექტარ სასოფლო-სამეურნეო დანიშნულების მიწის ფართობზე სადრენაჟე მომსახურება გაუმჯობესდება.
აღსანიშნავია, რომ დღეისათვის, შიდა ქართლის რეგიონში სარწყავი სეზონის პარალელურად, სამელიორაციო ინფრასტრუქტურის 6 სარეაბილიტაციო პროექტი მიმდინარეობს. შედეგად, წყლით უზრუნველყოფა 11,870 ჰექტარ სავარგულზე გაუმჯობესდება.
