უკრაინის პრეზიდენტი ვოლოდიმირ ზელენსკი აცხადებს, რომ ამერიკულ მხარესთან თანამშრომლობა მომავალ კვირას გაგრძელდება და ახლა მთავრობას უკვე აქვს „კარგი სიგნალები“, კერძოდ, სამხედრო დახმარების მიწოდების განახლებასთან დაკავშირებით.
„არსებობს მაღალი დონის პოლიტიკური სიგნალები - კარგი სიგნალები, მათ შორის ამერიკის შეერთებული შტატებიდან, ჩვენი ევროპელი მეგობრებისგან. ყველა ცნობით, მომარაგება აღდგენილია.
მომავალ კვირას ამერიკულ მხარესთან სამხედრო დონეზე გავაგრძელებთ მუშაობას, კერძოდ, ჩვენი სამხედროები გენერალ კელოგთან ერთად. ჩვენ ასევე ვამზადებთ ახალ ევროპულ თავდაცვის პაკეტებს. ჩვენ უახლოეს მომავალში ველით მკაცრ ნაბიჯებს რუსეთის წინააღმდეგ ამ ომის გამო სანქციებთან დაკავშირებით: ზეწოლამ უნდა იმუშაოს,“ - განაცხადა ზელენსკიმ ვიდეომიმართვისას.
ასევე, ზელენსკიმ განაცხადა, რომ ის მთავრობის წევრებისგან, ოფისის გუნდისგან საერთაშორისო პარტნიორებთან თითოეული შეთანხმების, მოსალოდნელი თითოეული შედეგის შესახებ დეტალურ ანგარიშებს ელის: რა იქნა მიღწეული და რა ხორციელდება.
