„ქართული ოცნების“ ავტორიტარული ტენდენციები მიუღებელია, – ამის შესახებ ევროპის საკითხებში საფრანგეთის მინისტრ-დელეგატმა, ბენჟამინ ჰადადმა სოციალურ ქსელში დაწერა.
მისი თქმით, ეს ტრაექტორია ეწინააღმდეგება ქართველი ხალხის ევროპულ მისწრაფებას.
„ქართული ოცნების“ ავტორიტარული ტენდენციები მიუღებელია. დღეს საქართველოში არსებულ ვითარებასთან დაკავშირებით მონაწილეობა მივიღე საკოორდინაციო შეხვედრაში პარტნიორ ქვეყნებთან ერთად, რომელიც ინიცირებული იყო სტივენ დოუთის მიერ. ეს ტრაექტორია ეწინააღმდეგება ქართველი ხალხის ევროპულ მისწრაფებას და ჩვენ ამას რეაგირების გარეშე არ დავტოვებთ“, – წერს ჰადადი.
