"საქართველო უსაფრთხო ადგილია ინვესტიციების განსახორციელებლად, ეს 2008 წლის ომის დროსაც დადასტურდა, როდესაც არც ერთი კონტრაქტი არ დარღვეულა",_ განაცხადა საქართველოს პრემიერ-მინისტრმა ნიკა გილაურმა სააგენტო "როიტერისათვის" მიცემულ ინტერვიუში.
გილაურის თქმით, ქვეყნის სხვა და სხვა სექტორში საკმაოდ მომგებიანი ინვესტიციების განხორციელებაა შესაძლებელი.
პრემიერ-მინისტრმა ასევე განაცხადა, რომ საქართველომ ეკონომიკური კრიზისი უკვე დასძლია და ის ძალიან მნიშვნელოვანი და სანდო პარტნიორია ნებისნიერი ინვესტორისათვის.
ნიკა გილაური ოფიციალური ვიზიტით დიდ ბრიტანეთში იმყოფება. საქართველოში გაუმჯობესებულ საინვესტიციო გარემოზე, მან ლონდონში ინვესტიციებთან დაკავშირებულ ფორუმზეც ისაუბრა.
