გასულ ღამეს რუსეთმა ოდესაზე მოიერიშე დრონებით მასირებული შეტევა განახორციელა. ქალაქში 10-ზე მეტი დარტყმა დაფიქსირდა.

ოდესის ოლქის საგანგებო სიტუაციების სამსახურის ცნობით, 13 ადამიანი დაშავდა. გაჩნდა მასშტაბური ხანძარი.

გავრცელებული ინფორმაციით, თავდასხმის შედეგად ოთხსართულიანი საცხოვრებელი შენობა მთლიანად დაიწვა.

„მაშველებმა 3 ადამიანი გადაარჩინეს, კიდევ 6 კი ევაკუირებულია. ხანძრის ჩაქრობისა და ადამიანების გადარჩენის დროს, მაშველებს ნაგებობები ჩამოენგრათ - 3 მეხანძრე დაშავდა, ისინი ამჟამად საავადმყოფოში  იმყოფებიან, მათი მდგომარეობა სტაბილურია, - განაცხადეს საგანგებო სიტუაციების სამსახურში.

გარდა ამისა, ადგილობრივი მცხოვრებლების თქმით, შენობაში შესაძლოა კიდევ ერთი ადამიანი იმყოფებოდეს; მიმდინარეობს სამძებრო-სამაშველო სამუშაოები.

გარდა ამისა, დაზიანდა 23-სართულიანი საცხოვრებელი სახლი, რომლის ზედა სართულებშიც დრონი შეფრინდა. სოციალურ ქსელებში დარტყმის ამსახველი ვიდეოს ვრცელდება.

ხანძარმა მე-18, მე-19 და მე-20 სართულები მოიცვა, შენობიდან 600 ადამიანი ს ევაკუაცია განხორციელდა. ასევე, ბლოკირებული ბინიდან 3 ადამიანი გამოიყვანეს, მათ შორის ორი ბავშვი.

ხანძარმა გაანადგურა კიდევ 5 საცხოვრებელი შენობა და 3 ავტომობილი.

ასევ უკრაინის რკინიგზის ცნობით, თავდასხმის შედეგად ოდესის რკინიგზის სადგური დაზიანდა.