ისრაელის თავდაცვის მინისტრმა, ისრაელ კაცმა, ირანის უზენაეს ლიდერს, აიათოლა ალი ხამენეის მიმართა და გააფრთხილა, რომ შესძლოა ერაყის დიქტატორის სადამ ჰუსეინის ბედი გაიზიაროს.
„ვაფრთხილებ ირანელ დიქტატორს: კარგად ახსოვდეს, რა დაემართა მეზობელი ქვეყნის დიქტატორს, რომელიც ისრაელის წინააღმდეგ წავიდა“, - განაცხადა კაცმა.
მინისტრმა აღნიშნა, რომ ისრაელი ირანს „დიდი ძალით და ყველა ფრონტზე“ ურტყამს. მისი თქმით, დარტყმები ომის მიზნებს შეესაბამება.
„გუშინ ღამით, ირანის გენერალური შტაბის უფროსის მოვალეობის შემსრულებლის ლიკვიდაცია განხორციელდა . გაერთიანებული შტაბის უფროსო, მადლობას გიხდით თქვენ და ისრაელის თავდაცვის ძალებს ამ შესანიშნავი მიღწევებისთვის“, - თქვა კაცმა.
კაცმა ასევე გააფრთხილა ირანი დაბომბვების შესახებ. „მე ვაფრთხილებ დიქტატორს, დაუშვებელია ომის დანაშაულები და ისრაელის მშვიდობიან მოსახლეობაზე სარაკეტო თავდასხმები“, - განაცხადა მინისტრმა.
მან გაიხსენა, რომ ისრაელი გააგრძელებს თეირანში რეჟიმის ობიექტებსა და სამხედრო სამიზნეებზე თავდასხმას.
მინისტრმა ასევე მიმართა ირანის დედაქალაქის მაცხოვრებლებს დატოვონ სახიფათო ზონები.
„ნუ ჩაიგდებთ თავს საფრთხეში. ნუ გახდებით დიქტატორის მძევალი, რომელიც საკუთარი გადარჩენისთვის გიყენებთ. ისრაელის ხელი ყველა მტერს მისწვდება, სადაც არ უნდა იყვნენ ისინი“, - განაცხადა ისრაელ კაცმა.
