9 ივნისის ღამეს რუსეთმა უკრაინის მიმართულებით 499 დრონი და რაკეტა გაუშვა. უკრაინის საჰაერო თავდაცვამ მტრის 479 სამიზნე გაანეიტრალა.
უკრაინის შეიარაღებული ძალების პრესსპიკერმა, პოლკოვნიკმა იური იგნატმა აღნიშნა, რომ მტრის მთავარი შეტევა უკრაინის ერთ-ერთ ოპერატიულ აეროდრომზე იყო მიმართული.
წინასწარი მონაცემებით, საჰაერო თავდაცვამ გაანეიტრალა მტრის 479 საჰაერო თავდასხმის იარაღი, მათგან 292 ჩამოაგდეს ცეცხლსასროლი იარაღით, 187 კი ლოკაციურად დაიკარგა.
მტრის საჰაერო დარტყმები 10 ლოკაციაზე დაფიქსირდა, ხოლო საჰაერო თავდასხმის საშუალებების ნამსხვრევები 17 ლოკაციაზე ჩაცვივდა.
იური იგნატმა განაცხადა, რომ რუსეთმა უკრაინის წინააღმდეგ ერთ-ერთი ყველაზე მასშტაბური კომბინირებული დარტყმა განახორციელა და მთავარი სამიზნე უკრაინის ერთ-ერთი აეროდრომი იყო. იგნატმა პირდაპირ არ თქვა, რომელ აეროდრომზე საუბრობდა, თუმცა, არსებობს ინფორმაცია, რომ ეს არის საჰაერო ბაზა ქალაქ დუბნოში. სწორედ ამ დასახლებამ განიცადა ყველაზე ძლიერი დარტყმა ღამით.
