კალიფორნიის შტატის გუბერნატორმა გევინ ნიუსომმა ოფიციალურად მოითხოვა, რომ ტრამპის ადმინისტრაციამ გააუქმოს გადაწყვეტილება ეროვნული გვარდიის ჯარების ლოს-ანჯელესში „უკანონოდ განლაგების“ შესახებ.
„ჩვენ არანაირი პრობლემა არ გვქონია, ვიდრე ტრამპი არ ჩაერია. ეს შტატის სუვერენიტეტის სერიოზული დარღვევაა - დაძაბულობის გამწვავება და რესურსების გადამისამართება იქიდან, სადაც ისინი ნამდვილად საჭიროა“, - წერს ნიუსომი წერილში.
თავის მიმართვაში ნიუსომმა აღნიშნა, რომ მისი, როგორც რეგიონის ხელმძღვანელის, გადასაწყვეტია, მიმართოს თუ არა ფედერალურ დახმარებას, თუ სიტუაცია არ გულისხმობს უცხო ქვეყნის შეჭრას ან აჯანყებას, რომელიც საფრთხეს უქმნის შტატის ხელისუფლებას.
"ვაშინგტონის კონტროლის ქვეშ ლოს-ანჯელესში ეროვნული გვარდიის ჯარების განლაგება „სიტუაციის სერიოზული ესკალაციის“ საფრთხეს ქმნის - ეს გადაწყვეტილება უნდა გაუქმდეს და რეგიონული დანაყოფები ადგილობრივი ხელისუფლების კონტროლს დაუბრუნდეს“, - განაცხადა პოლიტიკოსმა.
კიდევ ერთ პოსთი, კალიფორნიის გუბერნატორმა დაგმო აშშ-ის პრეზიდენტის კომენტარები შტატში მიმდინარე საპროტესტო აქციებთან დაკავშირებით.
„ძალადობის წაქეზება და პროვოცირება, მასობრივი ქაოსის შექმნა, ქალაქების მილიტარიზაცია, ოპონენტების დაპატიმრება - ეს დიქტატორის ქმედებებია და არა პრეზიდენტის“, - წერს ის.
ნიუსომის მხარდაჭერა აშშ-ის სხვა შტატების დემოკრატმა გუბერნატორებმაც გამოთქვეს.
„პრეზიდენტ ტრამპის გადაწყვეტილება კალიფორნიაში ეროვნული გვარდიის განლაგების შესახებ ძალაუფლების შემაშფოთებელი ბოროტად გამოყენებაა“, - განაცხადეს 22-მა გუბერნატორმა ერთობლივ განცხადებაში, რომელსაც ნიუსომი X-ში აქვეყნებს.
დოკუმენტში ასევე დაგმობილია ჰეგსეთის მუქარა საზღვაო ქვეითების განლაგების შესახებ.
შეგახსენებთ, აშშ-ის პრეზიდენტმა, დონალდ ტრამპმა ლოს ანჯელესში ეროვნული გვარდიის 2 ათასი წევრის განთავსების განკარგულება გასცა მას შემდეგ, რაც საიმიგრაციო აღსრულების ოპერაციების გამო დემონსტრანტებსა და სამართალდამცველებს შორის შეტაკება მოხდა
ლოს ანჯელესისი გარდა შეტაკებები იყო მიმდებარე დასახლებებში – პარამაუნტსა და კომპტონში. დემონსტრანტებმა სამართალდამცველებს ქვები და სხვადასხვა ნივთი ესროლეს. ბოლო ორი დღის განმავლობაში დაკავებულია 118 ადამიანი. ვრცელდება ცნობები დაშავებულების შესახებ.
