6 ივნისის ღამეს, თავდაცვის ძალებმა წარმატებული დარტყმა განახორციელეს სარატოვისა და რიაზანის ოლქებში განლაგებულ ორ რუსულ აეროდრომზე და სხვა მნიშვნელოვან სამხედრო ობიექტებზე. ამის შესახებ ინფორმაციას უკრაინის შეიარაღებული ძალების გენშტაბი ავრცელებს.
„6 ივნისის ღამეს, სარატოვის ოლქში, ენგელსის აეროდრომზე - იმ ადგილას, სადაც უკრაინის უსაფრთხოების სამსახურის ოპერაციის შემდეგ მტრის თვითმფრინავები იყვნენ კონცენტრირებულნი - წარმატებული დარტყმა განხორციელდა.
ასევე დარტყმა მიაყენეს რიაზანის რეგიონში მდებარე დიაგილევოს აეროდრომს, სადაც განთავსებულია საჰაერო ტანკერები და ესკორტ გამანადგურებლები, რომლებიც გამოიყენება უკრაინის ტერიტორიაზე სარაკეტო დარტყმების უზრუნველსაყოფად. გარდა ამისა, დიაგილევოდან მტრის სტრატეგიული ბომბდამშენები დაფრინავენ“, - აღნიშნულია გენშტაბის ინფორმაციაში.
სამხედროების ცნობით, სარატოვის რეგიონში დადასტურდა საწვავისა და საპოხი მასალების სულ მცირე სამ ავზზე დარტყმები, რასაც მოჰყვა აალება და ობიექტზე მასშტაბური ხანძარი.
ოკუპანტების საგანგებო სამსახურებმა ხანძრის ლოკალიზება ვერ შეძლეს. სამიზნე ზონაში ათობით აფეთქება დაფიქსირდა.
წარმატებული სეტევა განხორციელდა დიაგილევოს აეროდრომზეც წარმატებით ცეცხლი გაუხსნეს.
დაფიქსირდა მტრის საჰაერო თავდაცვის მუშაობა რიაზანის რეგიონში. არსებობს ინფორმაცია სამიზნე რაიონში ხანძრის შესახებ. შედეგები ზუსტდება.
გარდა ამისა, უკრაინის თავდაცვის ძალები თავს დაესხნენ რუსეთის ფედერაციის ტერიტორიაზე არსებულ რიგ მნიშვნელოვან სამხედრო ობიექტებს და უკრაინის დროებით ოკუპირებულ ტერიტორიებს.
კერძოდ, შეტევა განხორციელდა კურსკის ოლქის კულბაკის დასახლების ტერიტორიაზე რუსეთის არმიის 72-ე მოტომსროლელი დივიზიის 30-ე მოტომსროლელი პოლკის ლოჯისტიკური პუნქტზე. შედეგები ზუსტდება.
