რუსეთის თავდაცვის უწყების ცნობით, გასულ ღამეს ქვეყნის მასშტაბით 162 უკრაინული დრონი ჩამოაგდეს. მათივე ცნობით, უმეტესობა კურსკის ოლქში გაანეიტრალეს. ასევე, 31 ბელგოროდის ოლქში, 27 ლიპეცკის, 16 ვორონეჟის, 11 ბრიანსკის და რიაზანის ოლქებში, 6 ორიოლის, ერთი ტამბოვის ოლქში, ერთი კი ყირიმში ჩამოაგდეს.
კურსკში უპილოტო საფრენი აპარატის ნამსხვრევების ჩამოვარდნის შედეგად რამდენიმე კერძო სახლში ხანძარი გაჩნდა, დაზიანდა საცხოვრებელი კორპუსი.
ვორონეჟის ოლქში დრონი ელექტროგადამცემ ხაზს დაეცა, სადენები დაზიანდა, რის გამოც ავტომაგისტრალი დაიკეტა.
