“ერთიანი ნაციონალური მოძრაობის” დელეგაცია შეხვდა კონგრესმენ ჯიმ ბერდს, რესპუბლიკელ ლიდერს ეროვნული უსაფრთხოების საკითხებში და საგარეო საქმეთა კომიტეტის დაზვერვის ქვეკომიტეტის გავლენიან წევრს.

პარტიის პრესსამსახურის ინფორმაციით, დელეგაციამ კონგრესმენს გულითადად მადლობა გადაუხადა ორი პარტიის მხარდაჭერით მიღებულ MEGOBARI-ის აქტზე დადებითი ხმის მიცემისთვის. მათ ხაზგასმით აღნიშნეს, რომ ამ კანონპროექტის მიღებამ ახალი იმედი გააჩინა საქართველოს დემოკრატიული ძალებისთვის და წარმოადგინა ძლიერი სიგნალი აშშ-ის ორპარტიული მხარდაჭერისა ქართული ხალხისადმი.

შეხვედრის დროს, ენმ-ის ლიდერებმა კონგრესმენს წარუდგინეს დეტალური ანგარიში ჩინეთის ეკონომიკური იმპერიალიზმის მზარდი გავლენის შესახებ საქართველოში. მათ ახსენეს, რომ ბიძინა ივანიშვილის რეჟიმი სულ უფრო მეტად უღებს კარს პეკინის პოლიტიკურ და ეკონომიკურ ზეწოლას და მზად არის ქვეყანა კოლონიად გადააქციოს, რაც საფრთხეს უქმნის საქართველოს სუვერენიტეტს და ევროატლანტიკურ მომავალს.

თინა ბოკუჩავას განცხადებით, კონგრესმენი ბერდის როლი დაზვერვის ქვეკომიტეტში განსაკუთრებით მნიშვნელოვანია მავნე უცხოური გავლენების შესწავლის კუთხით. მისი მტკიცე მხარდაჭერა და გააზრებული დამოკიდებულება უმნიშვნელოვანესია საქართველოს დემოკრატიული მომავლისთვის.

როგორც “ერთიანობა ნაციონალური მოძრაობის” პრესსამსახურში აცხადებენ, შეხვედრა შედგა ენმ-ის დელეგაციის ოფიციალური ვიზიტის ფარგლებში ვაშინგტონში, რომლის მიზანია აშშ-სა და საქართველოს პარტნიორობის გაღრმავება და ქართული დემოკრატიის მხარდასაჭერად აშშ-ის პოლიტიკური ყურადღების უზრუნველყოფა.”