აშშ-ის სახელმწიფო მდივანი მარკო რუბიო არ ფიქრობს, რომ სტამბოლში უკრაინისა და რუსეთის დელეგაციებს შორის მოლაპარაკებებში რაიმე გარღვევა იქნება.
რუბიომ ამის შესახებ ხუთშაბათს, ანტალიაში, ნატო-ს ქვეყნების საგარეო საქმეთა მინისტრების არაფორმალური შეხვედრის შემდეგ, ჟურნალისტებს განუცხადა.
რუბიომ დაადასტურა, რომ აშშ-ისა და თურქეთის წარმომადგენლები მონაწილეობას მიიღებენ უკრაინასა და რუსეთს შორის მოლაპარაკებებში.
„მაგრამ მინდა გულწრფელი ვიყო: არ მგონია, რომ დიდი მოლოდინები გვქონდეს იმის შესახებ, თუ რა მოხდება ხვალ.
„გულწრფელად რომ ვთქვა, ამ ეტაპზე, ვფიქრობ, აბსოლუტურად ნათელია, რომ გარღვევის მიღწევის ერთადერთი გზა პრეზიდენტ ტრამპსა და პუტინს შორის [მოლაპარაკებებია]“, - დასძინა მან.
სახელმწიფო მდივანმა გამოთქვა რწმენა, რომ პუტინი მზადაა ტრამპთან სასაუბროდ. რუბიომ ასევე პირდაპირ მიუთითა მოლაპარაკებებზე სტამბოშლი წარმოდგენილ რუსული დელეგაციის დონეზე, რაც, მისი თქმით, „გარღვევაზე არ მიუთითებს“.
