აშშ-ის ვიცე-პრეზიდენტმა ჯეი დი ვენსმა განაცხადა, რომ რუსეთი უკრაინაში ომის დასრულების მიზნით სამშვიდობო მოლაპარაკებებში „ძალიან ბევრს“ ითხოვს.
ვენსის თქმით, როგორც მან, ასევე აშშ-ის პრეზიდენტმა დონალდ ტრამპმა დაგმეს სრულმასშტაბიანი შეჭრა, თუმცა ხაზგასმით აღნიშნა, რომ „კონფლიქტის დასასრულებლად, უნდა გვესმოდეს, რომელი პოზიციიდან მოქმედებს მეორე მხარე“.
„პრეზიდენტი ტრამპი ძალიან შეგნებულად ცდილობდა მიეღწია იმისთვის, რომ რუსებს ეთქვათ: „ეს არის ის, რაც ჩვენ გვსურს კონფლიქტის დასასრულებლად“. კიდევ ერთხელ, არ არის აუცილებელი, რომ ამას დაეთანხმოთ. შეიძლება იფიქროთ, რომ მათი მოთხოვნები გადაჭარბებულია.
და რა თქმა უნდა, როდესაც რუსებმა პირველად წამოაყენეს თავიანთი სამშვიდობო პირობები, ჩვენი რეაქცია იყო: „თქვენ ძალიან ბევრს ითხოვთ“. მაგრამ ასე მუშაობს მოლაპარაკებები“, - თქვა ვენსმა.
