ინდოეთში, მაჰა კუმბ მელას ფესტივალზე რელიგიური რიტუალების დროს ჭყლეტის შედეგად სულ მცირე 17 ადამიანი დაიღუპა და მრავალი დაშავდა. იუწყება Associated Press
გამოცემის ცნობით, ჭყლეტა იმ დროს მოხდა, მომლოცველთა დიდმა ჯგუფმა პოლიციის ბარიერების გადალახვა სცადა წმინდა ადგილას მისასვლელად, სადაც განბანვის ცერემონია მიმდინარეობდა, შემდეგ კი, ადამიანთა ნაკადმა მდინარის ნაპირას მძინარე ადამიანებს გადაუარა.
სახელმწიფო საავადმყოფოში 17 მომლოცველის დაღუპვასა და რამდენიმე ათეული ადამიანის დაშავებას ადასტურებენ.
ქალაქ პრაიაგრაჯში, სადაც 30-ზე მეტი დასავებულია გადაყვანილი, ხუთის მდგომარეობა მძიმეა.
ინდოეთის პრემიერ-მინისტრმა ნარენდრა მოდიმ მომხდარს "უკიდურესად სამწუხარო" უწოდა.
ამავდროულად, ქვეყნის ხელისუფლებას მსხვერპლის შესახებ ოფიციალური ინფორმაცია ჯერ არ გაუვრცელებია.
