კვირას, 19 ნოემბერს პალესტინის წითელი ნახევარმთვარის სასწრაფო დახმარების ეკიპაჟებმა, ჯანდაცვის მსოფლიო ორგანიზაციასთან კოორდინაციით, ღაზაში მდებარე ალ-შიფას საავადმყოფოდან 31 დღენაკლული ჩვილის ევაკუაცია მოახდინეს.
მანამდე ჯანმო-მ განაცხადა, რომ პაციენტებს ანკლავის სამხრეთით გადაიყვანდა.
ისრაელის თავდაცვის ძალებმა, რომლებმაც ჰოსპიტალზე კონტროლი დაამყარეს, განაცხადეს, რომ მუშაობენ კომპლექსიდან რაც შეიძლება მეტი პაციენტის ევაკუაციაზე.
წითელი ნახევარმთვარის განცხადების თანახამდ, ჩვილები გადაიყვანეს სამხრეთ ღაზაში, „რაფაჰში არაბთა გაერთიანებული საამიროების მიერ აღჭურვილ საავადმყოფოში გადაყვანისთვის მოსამზადებლად.
