ღაზაში, ალ-შიფას საავადმყოფოსთან ისარელელმა სამხედროებმა „ჰამასის“ მძველის კიდევ ერთი ცხედარი იპოვეს.
ისრაელის თავდაცვის ძალებმა განაცხადეს, რომ სამხედრო მოსამსახურის, კაპრალ ნოა მარჩიანოს ცხედარს, რომელიც “ჰამასის“ მებრძოლებმა გაიტაცეს, ღაზის სექტორში, ალ-შიფას საავადმყოფოსთან მდებარე შენობაში მიაგნეს და ისრაელის ტერიტორიაზე გადაასვენეს.
მათივე თქმით, ცხედრის ამოცნობის შესახებ სამხედრო მოსამსახურის ოჯახის წევრებს შეატყობინეს.
ისრაელის თავდაცვის ძალების ცნობით, 19 წლის მარჩიანო 14 ნოემბერს დაიღუპა, ის „ჰამასის“ მებრძოლებმა მოკლეს.
კაპრალი ღაზის სექტორის მოსაზღვრე ფორპოსტზე მეთვალყურედ მსახურობდა. 7 ოქტომბერს „ჰამასის“ ტერორისტებმა ის გაიტაცეს და ღაზის სექტორში წაიყვანეს.
14 ნოემბერს „ჰამასმა" გაავრცელა მარჩიანოს ვიდეო, რომელიც სავარაუდოდ გადაიღეს მისი მძევლად აყვანიდან ოთხი დღის შემდეგ. ვიდეოში ის ამბობს თავის და მშობლების სახელებს. წერს Times of Israel.
ღაზის სექტორში 7 ოქტომბერს „ჰამასის“ თავდასხმის შემდეგ დაახლოებით 240 ადამიანი მძევლად არის აყვანილი.
გუშინ ცნობილი გახდა, რომ ალ-შიფასთან ისრაელელმა სამხედროებმა კიდევ ერთი მძევლის ცხედარი იპოვეს.
