ისრაელელმა სამხედროებმა ღაზაში, ალ-შიფას საავადმყოფო ს შენობა დატოვეს და მის გარშემო განლაგდნენ.
ოპერაციის მსვლელობისას სამხედოებმა დაკითხეს ათობით სამოქალაქო პირი. სამხედროებმა საავადმყოფოში მედიკამენტები, საკვები წამალი და წყალი დატოვეს.
როგორც ცნობილია, ალ-შიფას საავადმყოფოში ისრაელელი სამხედროები შევიდნენ. მათი განცხადებით, საავადმყოფოს ტერიტორიაზე იარაღი აღმოაჩინეს. ისრაელის თავდაცვის ძალების განცახდებით, ის, რომ ალ-შიფას ჰოსპიტალში იარაღია აღმოჩენილი მიუთითებს საავადმყოფოში ტერორისტული ჯგუფის ყოფნაზე.
ისრაელი და ამერიკის შეერთებული შტატები აცხადებენ, რომ ღაზის სექტორის უდიდეს - ალ-შიფას საავადმყოფოს ქვეშ “ჰამასის“ მიწისქვეშა სამეთაურო პუნქტი მდებარეობს.
თეთრი სახლი და პენტაგონი ამბობენ, რომ "ჰამასი" იყენებს ღაზის უდიდეს საავადმყოფოს იარაღის შესანახად და ოპერაციების მხარდასაჭერად.
გაერო-ს შეფასებით, ალ-შიფას საავადმყოფოში ამ დროისათვის სულ მცირე 2300 ადამიანი იმყოფება.
