ირანის უზენაესმა ლიდერმა აიათოლა ალი ხამენეიმ ნოემბრის დასაწყისში თეირანში გამართული შეხვედრის დროს “ჰამასის” ლიდერს მკაფიოდ განუცხადა, რომ ირანი ომში პირდაპირ არ ჩაერთვება.
„თქვენ წინასწარ არ გაგვაფრთხილეთ ისრაელზე 7 ოქტომბრის თავდასხმის შესახებ და ამიტომ ჩვენ ომში „ჰამასის“ სახელით არ ჩავერთვებით“, - თქვა ხამენეიმ. იუწყება Reuters-ი წყაროზე დაყრდნობით.
აიათოლა ალი ჰამენეიმ განუცხადა „ჰამასის“ პოლიტბიუროს ხელმძღვანელს ისმაილ ჰანიეს, რომ ირანი, რომელიც დაჯგუფებას დიდი ხანია მხარს უჭერს, გააგრძელებს პოლიტიკურ და მორალურ მხარდაჭერას, მაგრამ უშუალოდ არ ჩაერთვება ომში.
როგორც „ჰამასის“ ერთ-ერთმა წარმომადგენელმა განუცხადა სააგენტოს, ირანის უზენაესმა ლიდერმა ჰანიეს მოსთხოვა, გაეჩუმებინა დაჯგუფების ხმები, რომლებიც საჯაროდ მოუწოდებენ ირანს და ლიბანურ „ჰეზბოლას“ ისრაელთან სრულმასშტაბიანი კონფრონტაციისკენ.
წყაროს თანახმად, ჰეზბოლასთვის“ მოულოდნელი იყო ისრაელზე „ჰამასის“ თავდასხმა და მისი მებრძოლები საზღვართან არ იყვნენ საბრძოლო მზადყოფნაში, როგორც ეს ადრე ხდებოდა.
