აშშ-ის წარმომადგენელთა პალატამ დაამტკიცა მთავრობის ორეტაპიანი დროებითი დაფინანსების კანონპროექტი უკრაინისა და ისრაელისთვის დახმარების გამოყოფის გარეშე. იუწყება CNN
წარმომადგენელთა პალატამ მიიღო სპიკერ მაიკ ჯონსონის დაფინანსების კანონპროექტი, რათა თავიდან აიცილოს „შათდაუნი“
ახლა სენატს 17 ნოემბრამდე აქვს დრო, რომ დაამტკიცოს ეს კანონპროექტი.
კანონპროექტი პრიორიტეტული სფეროების დაფინანსების გაგრძელებას 19 იანვრამდე ითვალისწინებს.
დანარჩენი ნაწილი კი 2 თებერვლამდე დაფინანსდება.
კანონპროექტი არ ითვალისწინებს დამატებით დახმარებას ისრაელისა და უკრაინისთვის.
ჯო ბაიდენი ცდილობს დაარწმუნოს აშშ-ის კონგრესი, მხარი დაუჭიროს უკრაინისა და ისრაელის დახმარებას და დაამტკიცოს 106 მილიარდი დოლარის ღირებულების დახმარების ახალი პაკეტი, რომელიც შეიცავს 61 მილიარდ დოლარზე მეტ დაფინანსებას უკრაინისთვის.
