ისრაელის თავდაცვის ძალების წარმომადგენლის ჯონათან კონრიკუსის განცხადებით, „ჰამასი“ უარს ამბობს ალ-შიფას საავადმყოფოს მიაწოდოს საწვავი, რომელიც აუცილებელია დღენაკლული ჩვილების სიცოცხლის გადასარჩენად.
„ჩვენ გავუწიეთ დახმარება, ჩვენ მივუტანეთ საწვავი საავადმყოფოს, საწვავი, რომელიც „ჰამასის“ ბრძანებით არ მიიღეს“, - განაცხადა კონრიკუსმა.
მან ასევე უარყო საავადმყოფოს პერსონალის განცხადება, რომ ეშინიათ, თუ კი 300 ლიტრი საწვავის წასაღებად შენობას დატოვებენ, ისრაელის ძალების ცეცხლის ქვეშ მოყვებიან. ისრაელის თავდაცვის ძალების განცხადებით, საწვავი ისრაელელმა სამხედროებმა საავადმყოფოსთან გასულ ღამეს მიიტანეს.
”მე კატეგორიულად უარვყოფ ამას და თუ ეს საშიშია, ამაში არა ისრაელელი ჯარისკაცები, არამედ „ჰამასია“ დამნაშავე”, - განუცხადა მან BBC-ს.
კონრიკუსი ასევე აცხადებს, რომ „ჰამასმა“ უბრძანა ალ-შიფას საავადმყოფოს მენეჯერს არ მიიღოს საწვავი.
”სავარაუდოდ, ეს არის იგივე „ჰამასი“, რომელიც ესვრის და საფრთხეს უქმნის პერსონალს. ეს ადამიანების იარარად ცინიკური გამოყენებაა», - განაცხადა კონრიკუსმა.
ამ დროისათვის, ისრაელის თავდაცვის ძალებმა საავადმყოფოს 300 ლიტრი საწვავი მიაწოდა, მაგრამ ალ-შიფას საავადმყოფოს წარმომადგენლები ამბობენ, რომ საავადმყოფოს მუშაობისთვის საათში 500 ლიტრი საწვავი სჭირდება.
