ბრიტანეთის ყოფილი პრემიერ-მინისტრი დევიდ კემერონი ქვეყნის საგარეო საქმეთა მინისტრად დაინიშნა.
გარდა ამისა, ჯეიმს კლევერლი, რომელიც ამ დრომდე საგარეო უწყებას ხელმძღვანელობდა სუელა ბრავერმანის ნაცვლად შინაგან საქმეთა პოსტს დაიკავებს.
დღეს, 13 ნოემბერს ცნობილი გახდა, რომ ბრავერმანი შინაგან საქმეთა მინისტრის თანამდებობიდან გაათავისუფლეს, მას შემდეგ რაც მან ლონდონის პოლიცია პროპალესტინური აქციების მონაწილეების მიმართ ლმობიერ დამოკიდბულებაში დაადანაშაულა.
კემერონი პოლიტიკურ არენაზე შვიდ წელზე მეტია არ გამოჩენილა, მას შემდეგ რაც 2016 წლის ივლისში პრემიერ-მინისტრის პოსტი დატოვა რეფერენდუმის შემდეგ, რომელიც ევროკავშირიდან დიდი ბრიტანეთის გასვლასთან დაკავშირებით გაიმართა.
