მძიმე ბრძოლები მიმდინარეობს ღაზას სექტორის ჩრდილოეთ ნაწილში.
ისრაელის თავდაცვის ძალები აცხადებენ, რომ რეიდების დროს ჰამასის იარაის საცავებს მიაგნეს, მათ შორის სკოლებში, მეჩეთებსა და საცხოვრებელ სახლებში.
ისრაელელი ჯარისკაცები შეიჭრნენ „ისლამური ჯიჰადის“ ერთ-ერთი ლიდერის სახლში შატის ლტოლვილთა ბანაკის გარეუბანში, სადაც იპოვეს იარაღის საუდუმლო სამალავი შენახვა საბავშვო ოთახში.
ისრაელი აცხადებს, რომ მან ქალაქი ღაზა ალყაშია. მისივე ცნობით, „ჰამასის“ მებრძოლები იმყოფებიან სამოქალაქო შენობების ქვეშ, მათ შორის ანკლავის უდიდესი საავადმყოფოს ქვეშ, თუმცა ამას საავადმყოფო უარყოფს.
ისრაელის არმიამ განაცხადა, რომ აგრძელებს სამხედრო ოპერაციებს ღაზას დასავლეთით მდებარე ალ-შათის ლტოლვილთა ბანაკის გარეუბანში. ომის ზონაში შედის ალ-კუდსის უნივერსიტეტი და აბუ ბაქრის მეჩეთი, სადაც ისრაელის სამხედროები ამტკიცებენ, რომ ჰამასის მებრძოლები მოქმედებენ.
ისრაელის თავდაცვის გაავრცელა ათობით იარაღისა და სამხედრო აღჭურვილობის ფოტოები, რომლებიც ამოღებული იყო ამ რეიდების დროს, ასევე ისლამური ჯიჰადის ერთ-ერთი წევრის რეზიდენციის შტურმის დროს.
ისრაელმა პალესტინელებს ღაზის სექტორის ჩრდილოეთ ნაწილიდან, სადაც ქალაქი ღაზა მდებარეობს, სამხრეთით ევაკუაციისაკენ რამდენიმე კვირის წინ მოუწოდა. ისრაელის ჯარები ამ ტერიტორიაზე დაახლოებით ერთი კვირაა მოქმედებენ.
