ისრაელის თავდაცვის ძალებმა განაცხადეს, რომ მოკლეს „ჰამასის“ მეთაური აჰმედ სიამი. ისრაელის თავდაცვის ძალების (IDF) და უსაფრთხოების სამსახურის ერთობლივ განცხადებაში ნათქვამია, რომ სიამი მოკლეს ჰამასის სხვა მებრძოლებთან ერთად "მაშინ როცა ის ალ-ბურაქის სკოლაში იმალებოდა".
განცხადებაში ნათქვამია, რომ სიამს მანამდე რანტისის საავადმყოფოში მძევლად ჰყავდა აყვანილი ღაზის 1000 მცხოვრები და არ აძლევდა მათ სამხრეთით ევაკუაციის უფლებას. IDF-სა და უსაფრთხოების სამსახურის ერთობლივ განცხადებაში აღნიშნულია, რომ „ჰამასი "იყენებს ღაზის სექტორში მყოფ მშვიდობიან მოსახლეობას, ცოცხალ ფარად ტერორისტული მიზნებისთვის".
BBC აღნიშნავს, რომ რამდენიმედღიანი მცდელობის შემდეგ, დაერწმუნებინათ მშვიდობიანი მოსახლეობა, დაეტოვებინათ რანტისის საავადმყოფო, ადამიანთა დიდი ჯგუფი გამოვიდა საავადმყოფოდან. გავრცელებულ ვიდეოკადრებში ჩანსთუ როგორ ტოვებენ საავადმყოფოს ეზოს მშვიდობიანი მოქალაქეები თეთრი დროშებით, მაგრამ ცეცხლის ქვეშ ხვდებიან და იძულებულნი არიან უკან გაიქცნენ. მაშინ IDF-მა განაცხადა, რომ სროლაზე პასუხისმგებელი „ჰამასის“ მებრძოლები იყვნენ.
სიამის ლიკვიდაციის შესახებ ინფომაცია „ჰამასს“ ჯერ არ დაუდასტურებია.
