რუსმა ოკუპანტებმა ხერსონი დაბომბეს, არის მხვერპლი, ასევე დაშავდა ორი ადამიანი. უკრაინული მედიის ცნობით, კერძო სექტორში რუსული ჭურვი მოხვდა ადგილობრივი საკრებულოს დეპუტატის სახლს, რის შედეგადაც ხანძარი გაჩნდა.
ამასთან, ხერსონის საოლქო ადმინისტრაციამ განაცხადა, რომ ხერსონის ცენტრალურ ნაწილსი მრავალსართულიან სახლში მტრის ჭურვის მოხვედრის შედეგად დაშავდა ორი ადამიანი.
პროკურატურის ინფორმაციით, ხერსონის დაბომბვის შედეგად დაიღუპა ერთი ადამიანი.
„ერთ-ერთ რაიონში მტრის ჭურვი მოხვდა კერძო სახლს, რის შედეგადაც გაჩნდა ხანძარი. არავინ დაშავებულა.
ასევე მრავალსართულიან საცხოვრებელ სახლთან ჭურვის ჩამოვარდნის შედეგად დაშავდა სამი ადამიანი - ორი ქალი და ერთი კაცი. კაცი, რომელმაც სიცოცხლესთან შეუთავსებადი დაზიანებები მიიღო, საავადმყოფოში გარდაიცვალა“, - ნათქვამია პროკურატურის ინფორმაციაში.
