უკრაინის საჰაერო ძალების პილოტებმა წარმატებული დარტყმები განახორციელეს ქერჩზე და, სავარაუდოდ, რუსეთის შავი ზღვის ფლოტის ერთ-ერთი ყველაზე თანამედროვე ხომალდი – კალიბრის საკრუიზო რაკეტების გადამზიდი ჩაძირეს, – ამის შესახებ უკრაინის საჰაერო ძალების მეთაურმა, ნიკოლაი ოლეშჩუკმა განაცხადა. იუწყება უკრაინული მედია.
„მოსკვას“ კიდევ ერთი მცურავი საშუალება მიჰყვა!
ჩვენ ველოდებით შედეგების ოფიციალურ დადასტურებას, კიდევ ერთხელ მადლობას ვუხდი საჰაერო ძალების ტაქტიკური ავიაციის პილოტებს წარმატებული დარტყმისთვის ქერჩის სრუტის გემთმშენებლობის ინფრასტრუქტურაზე, სადაც განთავსებული იყო რუსეთის შავი ზღვის ფლოტის ერთ-ერთი ყველაზე თანამედროვე ხომალდი – კალიბრის საკრუიზო რაკეტების გადამზიდი”, – წერს ოლეშჩუკი.
მოგვიანებით, რუსეთის თავდაცვის სამინისტრომ დაადასტურა, რომ ქერჩზე უკრაინის სარაკეტო დარტყმის შედეგად რუსული ხომალდი დაზიანდა
თავდაცვის სამინისტროს განცხადებაში, რომელსაც რუსული გამოცემა „რია ნოვოსტი“ ეყრდნობა, ნათქვამია, რომ დარტყმა განხორციელდა 15 რაკეტით, რომელთაგან 13 ჩამოაგდეს.
რუსული მხარე არ ავრცელებს იონფპრმაციას, თუ რომელი გემი დაზიანდა.
