ევროკომისიის პრეზიდენტმა ურსულა ფონ დერ ლაიენმა კიევში, უკრაინის პრეზიდენტ ვოლოდიმირ ზელენსკისთან ერთობლივ პრესკონფერენციაზე ილაპარაკა ამერიკელ სენატორებთან და კონგრესმენებთან საუბრის შესახებ უკრაინისადმი მხარდაჭერის გაგრძელების მნიშვნელობაზე.
”შეერთებულ შტატებში სამიტის დროს ვისაუბრეთ ჩვენი დახმარებისადა 50 მილიარდი ევროს შესახებ, რომელიც ევროსაბჭოს წარვუდგინეთ და ვიმედოვნებთ, რომ შეთანხმებას მივაღწევთ წლის ბოლომდე, - განაცხადა ფონდერ ლაიენმა.
მისი თქმით, ეს იყო აზრთა გაცვლა-გამოცვლა, ვინაიდან პირველივე დღიდან ევროკავშრი და აშშ კოორდინაციას უწევენ თავიანთ სამუშაოს.
„მე ასევე მქონდა შესაძლებლობა მესაუბრა შეერთებული შტატების სენატორებთან და კონგრესმენებთან, სადაც ავუხსენით, რას ვაკეთებთ და რატომ გვჯერა, რომ უკრაინისთვის ძალზე მნიშვნელოვანია ფინანსური სტაბილურობა და ბიუჯეტის პროგნოზირებადობა“, - თქვა ფონ დერ ლეიენმა.
მანამდე, თეთრი სახლის პრესმდივანმა კარინ ჟან-პიერმა, უკრაინის სამხედრო დახმარების შესახებ განცხადებაზე კომენტირებისას აღნიშნა, რომ შეერთებული შტატები გამოყოფს დახმარების მცირე პაკეტებს დამატებითი დაფინანსების შესახებ კონგრესის გადაწყვეტილების არარსებობის გამო.
ჯო ბაიდენი ცდილობს დაარწმუნოს აშშ-ის კონგრესი, მხარი დაუჭიროს უკრაინისა და ისრაელის დახმარებას და დაამტკიცოს 106 მილიარდი დოლარის ღირებულების დახმარების ახალი პაკეტი, რომელიც შეიცავს 61 მილიარდ დოლარზე მეტ დაფინანსებას უკრაინისთვის.
მაგრამ წარმომადგენელთა პალატის ახალი სპიკერი მაიკ ჯონსონი ამტკიცებს, რომ უკრაინისა და ისრაელისთვის დახმარების პაკეტები უნდა გაიმიჯნოს.
აშშ-ის წარმომადგენელთა პალატამ 3 ნოემბერს ისრაელისთვის 14,5 მილიარდი დოლარის ღირებულების დახმარების პაკეტი დაამტკიცა. ამ დოკუმენტს ეწინააღმდეგება დემოკრატიული პარტია, რომელიც აკონტროლებს სენატს, ის დაჟინებით მოითხოვს უფრო ფართო ფინანსური პაკეტის დამტკიცებას, რომელიც ითვალისწინებს დახმარებას როგორც ისრაელისთვის, ასევე უკრაინისა და სხვა მოკავშირეებისთვის.
