იორდანიის ვიცე-პრემიერმა და საგარეო საქმეთა მინისტრმა აიმან ალ-საფადიმ ღაზის სექტორში შექმნილი ვითარების გამო ისრაელიდან ელჩის სასწრაფოდ გაწვევის გადაწყვეტილება მიიღო. ამის შესახებ ნათქვამია ქვეყნის საგარეო საქმეთა სამინისტროს განცხადებაში.
ალ-საფადიმ თავის უწყებას ასევე დაავალა ისრაელის საგარეო საქმეთა სამინისტროს აცნობონ, რომ შეუძლია არ დააბრუნოს ელჩი იორდანიაში, რომელმაც მანამდე დატოვა ქვეყანა.
„ეს გადაწყვეტილება წარმოადგენს იორდანიის მხრიდან დაგმობისა და უარყოფის მტკიცე გამოხატულებას ღაზის სექტორში ისრაელის ომის შესახებ, რამაც გამოიწვია უდანაშაულო მშვიდობიანი მოსახლეობის მსხვერპლი და უპრეცედენტო სერიოზული ჰუმანიტარული კრიზისი“, - ნათქვამია იორდანიის საგარეო საქმეთა სამინისტროს განცხადებაში.
იორდანიამ ხაზგასმით აღნიშნა, რომ ელჩები შეძლებენ დაბრუნდნენ მას შემდეგ, რაც ისრაელი შეწყვეტს საომარ მოქმედებებს ღაზის სექტორში. ალ-საფადიმ აღნიშნა, რომ იორდანია გააგრძელებს მუშაობას ღაზაში ომის დასასრულებლად. მან ისაუბრა რეგიონში მშვიდობის მიღწევის აუცილებლობაზე 1967 წლის ხელშეკრულების საფუძველზე, რომლის მიხედვითაც პალესტინის დედაქალაქი მდებარეობს იერუსალიმში.
მანამდე ბოლივიის საგარეო საქმეთა სამინისტრომ განაცხადა, რომ ისრაელთან დიპლომატიურ ურთიერთობას წყვეტს და მას ღაზას სექტორში კაცობრიობის წინააღმდგ ჩადენილ დანაშაულში ადანაშაულებს.
ამასთან, კოლუმბიამ და ჩილემ პროტესტის ნიშნად ისრაელიდან ელჩები გაიწვიეს.
